युनिटीका प्रवन्धकको मोटरसाइकल पक्राउ

पर्वत चैत २९
नेपाल प्रहरीको सार्वधिक खोजीको सुची मोस्ट वान्टेड मा रहेका युनिटी लाइफ इन्सोरेन्सका प्रबन्धक विष्णुबहादुर क्षेत्रीको नाममा जारी भएको मोटरसाइकल चेक जाँचका क्रममा प्रहरीले पक्राउ गरेको छ ।
पर्वतको आर्थर डाँडाखर्क गाविस ३ घर भएका क्षेत्रीको नाममा जारी भएको बा २९ प १७४५ नम्बरको १५० सिसीको पल्सर मोटरसाइकल पर्वतकेा डिमुवा प्रहरी चौकीले चेकजाँचका क्रममा पक्राउ गरेको हो । मोटरसाइकलमा रहेको इन्जिन नम्बर र सवारी धनी प्रमाणपत्रमा उल्लेखित नम्बर बाँझिएपछि प्रहरीले नियन्त्रणमा लिएको थियो । उक्त मोटरसाइकलको इन्जिन नम्बर ८३९२७ रहेको छ भने सवारी धनी प्रमाणपत्रमा ८३९३७ रहेको छ ।
प्रहरीले धादिङ जिल्ला घर बताउने प्रदिपकुमार मानान्धरले चलाएको अवस्थामा पक्राउ गरेको थियो । मोटरसाइकलको यथार्थ विवरण पठाउन सम्बन्धित यातयात कार्यालयलाई पटक पटक अनुरोध गरेपनि बेवास्ता गरेको र उल्टै धम्कीपूर्ण भाषा प्रयोग गरेको डिमुवा प्रहरी चौकी पर्वतका इाचार्ज प्रहरी सहायक निरिक्षक डोरबहादुर खड्काले बताउनुभयो । खड्काले बताए अनुसार ९८५१०५३१५१ नम्बरको मोबाइलबाट छोड्न दबाब दिँदै धम्की भाषा प्रयोग गरेको खड्काले बताउनुभयो ।
प्रहरीले क्षेत्री लगायत फेदिखोला ६ स्याङजाका प्रसाद भनेर चिनिने काशिराम गुरुङ आर्थर डाँडा खर्क ३ पर्वतका कृष्णबहादुर क्षेत्री बाग्लुङका महेन्द्र केसी र मोरङ ५ का विश्वनाथ गौतमलाई एउटै सुचीमा राखेको छ । उनीहरु विरुद्ध विना इजाजत बैंक तथा वित्तिय संस्था साचालन गरेको बैंकिङ कसुर र ठगी मुद्दा चली भइरहेको छ ।